INC

INDIFFERENT NOTHING COMPARE
CHRISTIAN JAY SOPE LAYA



Masakit man ngunit ang katotohanan ay talagang ganyan.Minsan kailangan nating madapa upang matuto tayong bumangon. Ang buhay ay isang dakilang paglalakbay naghahanap ng mga karanasang kahanga-hanga na magmamarka sa ating ispan. Ang mga tagpo sa ating mga karanasan ay wari'y pangil nabumabaon sa ating gunita na maaalala magpakailanman.


Nais kong umiyak at wakasan ang buhay ngunit napag-isip-isip ko, ako ay talo kung hihinto na ako. Marahil na papagod na ako at nais magpahinga dahil hindi naman ako robot na de makina. Marupok ako at sa pagdating ng araw ako'y magiging pulido.


Pumasok akong walang dala ni sangdakot ng kaalaman o karanasan at pilit akong lalabas dala ang mga karanasan na gagamitin kong sandata sa mapanghamong buhay. Magsisipag akong mabuti. Hindi ko bbiguin si ama't ina sapagkat sila ang dahilan ng pagsisikap ko na abutin ang aking mga nais. Nasa unang baitang palang ako ng buhay ni hindi pa ako nangangalahati. Susuko na ba ako?

Paano kung susuko na ako ngayon? May magbabago ba? Anong mangyayari sa mga pangarap ko  at pangarap ng mga mahal ko? Sinong mag-aahon sa aming sawing buhay? Anong mukha ang ipanghaharap ko sa mapanghusgang lipunan? Paano na ako? Paano na sila?

Naninibago ako sa mga kalipunan ng mga katanungan na nakaumpok sa aking isipan. Ang sarap biyakin nitong ulo. Ang sarap ibenta ng kaluluwa ko sa demonyo. Ngunit kung gagawin ko ang mga iyon ay malamang talo ako. Hindi solusyon ang pagsuko para magapi ang mga pagsubok. Ang totoong solusyon ay ang kumilos ka at subukang magnilay-nilay. Masdan mo ang mga nagugutom, ang mga walang tirahan, ang mga ulila at pinabayaan. Masdan mo sila. Sumuko ba sila? Umatras ba?

Kung ikaw na kumakain ng sapat, may tirahan at may nagmamahal ay sumuko eh! nakakahiya naman sa kanila. Nakakahiya at masakit mang isipin tunay na talunan ka.

Sa bawat paggising ay biyaya. Huwag mong sayangin ang buhay, matuto kang makuntento at magpasalamat dahil hindi lahat nakakadilat pa kinaumagahan. Ang pagtulog daw ay OJT sa pagpapakamatay, di ba't nakakatakot?

Subukan mong pagmasdan ang kalikasan. Pakinggan mo ang huni ng mga ibon. Sa mga payak na kaligayahan nakahimlay ang dalisay na kahulugan ng buhay. Ang buhay ay mapayapa sa mga taong may adhika hindi nagnanasa sa mga yaman ng mundo na mapagkunwari.

Mabuhay ng sapat, mabuhay ng Tapat, harapin ang bukas ng may galak. Magdasal sa Diyos dahil sa mga biyaya. Ang buhay ay biyaya at ang mga pagsubok ay dumi lamang sa balat ng mundo. Kumilos ka at KUMILOS.






CHRISTIAN JAY LAYA
Mag-aaral ng Kasaysayan
Mindanao State University
Lungsod ng Heneral Santos 

Mga Komento

Mag-post ng isang Komento

Mga sikat na post sa blog na ito

DARANGEN: CSSH Early Bird by Christian Jay S. Laya

Imahe
DARANGEN: CSSH Early Bird February 26, 2018 Christian Jay during Darangen Pictorial at STTC, MSU-GSC Photo Credit: Rovie R. Lalisan D arangen, MSU-GSC Official Yearbook organized a Graduation Pictorial for graduating student of MSU GSC held at Science and Technology Training Center (STTC), Mindanao State University – General Santos City. The College of Social Sciences and Humanities (CSSH) students was assigned as first to have their pictorial. Exceptional Vanguards visited the venue equipped with beautiful stylish outfits and awesome facial overhaul.   Christian Jay Laya arrived in MSU at 8 o’clock in the morning and got number 13 in the priority lane together with Nico (14) and Rogel (31). The excited young man tried to practice his indomitable smile. Wearing the MSU iconic toga, Christian Jay was able to forecast his feasible vision of success.   The emotionless air inside the STTC Building lose to preclude the tumbling of sweat from Christian J...
Magbasa nang higit pa

Ang Kamatayan ng Pantas

Imahe
Ang Kamatayan ng Pantas Christian Jay Sope Laya Photo Credit:https: //en.wikipedia.org/wiki/The_Death_of_Socrates Madilim... Katulad ng pagtakip ng buwan sa araw tuwing solar eclipse napakadilim. Di ko maaninag ang liwanag. Binalot ng sobrang kalungkutan ang masasayang dalangin ko sa Lumikha. Nabura sa aking kamalayan ang mga imahen ng masaganang kinabukasan. Ang mga ibon na malayang lumilipad dumapo sa sanga ng kagubatang nakubli ay nagsilayas. Naubos ang saya sa pisngi ng dakilang pantas. Nakakaawa. Pinagmamasdan niya ang lumipad na mga pangarap na wari'y nawawala sa parang. Nalinglang siya. Naubos ang dahon na nagpapasigla sa matamlay na puso. Nais niyang kumawala ngunit and renda ng kamangmangan ay mahigpit na nakapulupot sa leeg niyang naaagnas. Sa paglipas ng mga panahon ay nanabik ang kanyang mga adhika ngunit natatalo siya ng mga guni-guni ng nakalipas. Nagpupuyos sa pinakamataas na antas ang kanyang damdamin. Nakagapos siya sa tanikala ng mga ma...
Magbasa nang higit pa